Ithazhil Kathai Lyrics

இதழில் கதை எழுதும்

Movie Unnal Mudiyum Thambi Music Ilaiyaraaja
Year 1988 Lyrics
Singers K. S. Chithra, S. P. Balasubramaniam
ஆண்:
இதழில் கதை எழுதும் நேரமிது
(இசை)
இதழில் கதை எழுதும் நேரமிது
இன்பங்கள் அழைக்குது ஆ….

பெண்:
மனதில் சுகம் மலரும் மாலையிது
மான் விழி மயங்குது ஆ…..
மனதில் சுகம் மலரும் மாலையிது
(இசை)
ஆண்:
இளமை அழகை அள்ளி அணைப்பதற்கே
இளமை அழகை அள்ளி அணைப்பதற்கே
இரு கரம் துடிக்குது தனிமையும்
நெருங்கிட இனிமையும் பிறக்குது

இதழில் கதை எழுதும் நேரமிது
(இசை)

ஆண்:
காதல் கிளிகள் ரெண்டு ஜாடை பேசக்கண்டு
ஏதேதோ எண்ணம் என் நெஞ்சில் உதிக்கும்
பெண்:
நானும் நீயும் சேர்ந்து ராகம் பாடும்போது
நீரோடை போல என் நெஞ்சம் இனிக்கும்
ஆண்:
இனிய பருவமுள்ள இளங்குயிலே
இனிய பருவமுள்ள இளங்குயிலே
ஏன் இன்னும் தாமதம்
மன்மதக் காவியம் என்னுடன் எழுது
பெண்:
நானும் எழுதிட இளமையும் துடிக்குது
நாணம் அதை வந்து இடையினில் தடுக்குது
ஆண்:
ஏங்கித் தவிக்கையில் நாணங்கள் எதற்கடி
ஏக்கம் தனிந்திட ஒரு முறை தழுவடி
பெண்:
காலம் வரும் வரை பொறுத்திருந்தால்
கன்னி இவள் மலர்க்கரம் தழுவிடுமே
ஆண்:
காலம் என்றைக்கு கனிந்திடுமோ
காளை மனம் அதுவரை பொறுத்திடுமோ
பெண்:
மாலை மண மாலை இடும் வேளை தனில்
தேகம் இது விருந்துகள் படைத்திடும்
ஆண்:
இதழில் கதை எழுதும் நேரமிது
இன்பங்கள் அழைக்குது ஆ….
பெண்:
மனதில் சுகம் மலரும் மாலையிது
(இசை)

ஆண்:
தோகை போலே மின்னும் பூவை உந்தன் கூந்தல்
கார்மேகம் என்றே நான் சொல்வேன் கண்ணே
பெண்:
பாவை எந்தன் கூந்தல் வாசம் யாவும் அந்த
மேகம் தனில் ஏது நீ சொல்வாய் கண்ணா
ஆண்:
அழகைச் சுமந்து வரும் அழகரசி
அழகைச் சுமந்து வரும் அழகரசி
ஆனந்த பூமுகம் அந்தியில் வந்திடும் சுந்தர நிலவோ
பெண்:
நாளும் நிலவது தேயுது மறையுது
நங்கை முகமென யாரதைச் சொன்னது
ஆண்:
மங்கை உன் பதில் மனதினைக் கவருது
மாரன் கணை வந்து மார்பினில் பாயுது
பெண்:
காமன் கணைகளைத் தடுத்திடவே
காதல் மயில் துணை என வருகிறது
ஆண்:
மையல் தந்திடும் வார்த்தைகளே
மோகம் எனும் நெருப்பினை பொழிகிறது
பெண்:
மோகம் நெருப்பாக அதை தீர்க்கும் ஒரு
ஜீவ நதி அருகினில் இருக்குது
மனதில் சுகம் மலரும் மாலையிது
மான் விழி மயங்குது ஆ…

ஆண்:
இதழில் கதை எழுதும் நேரமிது
இன்பங்கள் அழைக்குது ஆ….
இதழில் கதை எழுதும் நேரமிது

 

இந்த பாடலின் வரிகளில் பிழைகள் இருந்தால் நீங்களே திருத்திக் கொள்ளலாம், உங்களது இந்த அரிய சேவை மற்ற வாசகர்களுக்கும் பயன்படும்.