Aariraro Aariro Lyrics

ஆரிராரோ ஆரிரோ அன்பு நதியே ஆரிரோ
அன்னை தூங்கப் பாடுவேனோ அந்தி தாலாட்டு
தாலே லாலோ தாலேலோ தங்க மலரே தாலேலோ
பாறை கூட பூக்குமே இவள் பாச மொழி கேட்டு

மெல்லிய புன்னகை மென்மை தான் உன் நகை
அந்தி வானம் ஒளிருமோ உன் கண்ணின் ஒளியாலே
வார்த்தை தேடும் கவிதையாய்
நான் வாடி நின்றேனே
சிறகு விரிந்தாலும் உயரம் தெரிந்தாலும்
கூடு கலைந்தாலே பறக்கவா தோன்றும்

அன்பையே பொழிந்த என் செல்ல வான் மேகம்
நின்று போனாலே மனம் பாலை வனமாகும்

நிகழும் எல்லாம் கனவு என்று
எடுத்து சொல்ல எழுந்து வா வா
நிமிடம் கூட நகர மறக்க
மீண்டும் தொடங்க எழுந்து வா வா

இருளில் செல்ல பயந்த எனக்கு
இறங்கி வந்து இறுகப் பிடித்து
பயமே இருள் தான் என்று சொல்லி
புரிய வைத்த பிறவி நீ
இலைகள் கூட மேல் விழாமல்
என்னை காத்த குடையும் நீ

உயிரை தந்தவள் நீ
உலகம் சொன்னவள் நீ
உண்மை தந்ததும் நீ
உற்ற தோழியும் நீ
வாழ்வு முழுதும் ஓடினாலும்
வானம் கை வருமா
வாசம் வீசி போன தென்றல்
வாசல் தான் வருமா

உலகம் எப்போதும் நன்றி எதிர்பார்க்கும்
உறவுகள் கூட உரிமை எதிர்பார்க்கும்
தாய்மை ஒன்றே தான் தனித்துவம் ஆகும்
தீயில் வேகும் வரை தனைத் தந்து தான் போகும்

இதய கருவில் இறுதி வரையில்
உன்னை சுமப்பேன் சென்று வா வா
எனது சொல்லும் எனது செயலும்
உந்தன் நிழலே சென்று வா வா